Seanca ndaj ish-ministrit të Mbrojtjes, Fatmir Mediu për dosjen “Gërdeci” është shtyrë për në datën 23 mars, në orën 14:00.
“Pse Erisoni nuk jeton më”, kështu e nisi prononcimin e saj për mediat Zamira Durda, e cila humbi të birin 7-vjeçar në tragjedinë e vitit 2008 dhe ka kallëzuar Mediun. Për të akuza ndaj tij për shpërdorim detyre nuk është e mjaftueshme.
“Thjesht kërkoj drejtësi, të vendoset drejtësia dhe të më japë një përgjigje, pse Erisoni nuk jeton? Kaq kam kërkuar. Për mua nuk është akuzë e mjaftueshme, e kam thënë edhe herë të tjera, shpërdorim detyre, me pasojë vrasjen e një apo më shumë personave, këtu duhet të vazhdojë. Gjithses, do ta pranoj. Kam 15 vjet, thjesht dua një përgjigje, pse Erisoni nuk jeton më?”, theksoi ajo.