Qeveria ka vendosur të dyfishojë gjobat për bizneset e mëdha që nuk deklarojnë saktë pagën e punonjësit.
Nga 100% e vlerës së kontributit të munguar në buxhetin e shtetit, penaliteti do të bëhet 200%.
Njëkohësisht me rritjen e gjobave, qeveria u ka dhënë të drejtë inspektorëve që të penalizojnë direkt me gjobë punëdhënësin që nuk ka deklaruar të punësuarin, pa paralajmërim.
Gjatë 3 viteve të fundit vlera e gjobave të vendosura për mosdeklarim real të pagës kapi shifrën 1,4 milionë dollarë.