Juventus rrezikon seriozisht të mbetet jashtë Ligës së Kampionëve për sezonin e ardhshëm. Bardhezinjtë nuk kanë më asgjë në këmbët e tyre dhe presin vetëm një gabim nga Napoli apo Milani. Në këtë formë, me ekipin që do të luante në Europa League sezonin e ardhshëm, do të kishte shumë ndryshime.
I pari në listën e lojtarëve që nuk do ta pranonte këtë fat do të ishte Kristiano Ronaldo. Madje, Juventus edhe pse ka një tjetër vit me portugezin, nuk do t’i hapte probleme për t’u larguar. Kjo jo prej ndonjë klauzole në kontratë, por për shkak të një marrëveshje mes zotërinjsh, nga lojtari dhe presidenti Andrea Anjeli.
Ronaldo nuk ka luajtur asnjëherë në Europa League dhe tashmë që është në fundin e marrierës nuk do ta pranonte diçka të tillë, pasi kërkon ende të triumfojë në kompeticionin madhor. Ndaj, te Juventus në rast moskualifikimi në Champions, nuk humbasin vetëm para dhe prestigj, por edhe një nga më të mirët e organikës së tyre.