Matijs De Ligt është një nga mbrojtësit më të talentuar, i cili sapo ka nisur rrugëtimin e tij në botën e futbollit. Vetëm 19-vjeçar, mbrojtësi ka dalë nga një prej shkollave më prestigjioze të Europës, Ajaksit. Futbollisti tashmë është kapiteni më i ri në historinë e Ajaks. De Ligt edhe pse në moshë fare të re, ka grumbulluar shumë eksperiencë, dhe ka pas krahëve një mori skuadrash që janë në garë për shërbimet e tij.
Barcelona, Real Madrid, Juventus apo edhe Mançester Siti kanë shfaqur hapur interesin për lojtarin. Sakaq, Ajaksi do të kërkojë të përfitojë në maksiumum nga xhevahiri i tij, ndërsa bisedimet nuk mund të nisin nën 75 milionë euro.
Por, për t’i hedhur më shumë benzinë zjarrit ka menduar vetë De Ligt i cili është shprehur se Liverpuli është një klub i madh, ndërkohë që aty do të bashkohej me patriotin e tij Virxhil Van Dajk, pasi 19-vjeçari mëson shumë nga eksperienca e Van Dajk. Megjithatë, futbollisti në fund shton se mbetet i përqendruar vetëm te Ajaksi dhe se ende nuk ka marrë një vendim mbi të ardhmen.