Vjen reagimi i parë edhe nga ish-kancelarja gjermane, Angela Merkel, për atë çfarë po ndodh në Ukrainë. Ajo i ka cilësuar veprimet e fundit të Rusisë në Ukrainë si të pajustifikueshme. Për të kjo është një shkelje flagrante e ligjit ndërkombëtar.
Duke dënuar sulmin rus ndaj Ukrainës, Merkel ka mbështetur gjithashtu edhe përpjekjet e pasuesit të saj SPD, Olaf Scholz, për të ndaluar presidentin Vladimir Putin.
“Kjo luftë agresioni nga Rusia shënon një pikë kthese të gjerë në historinë e Evropës pas përfundimit të Luftës së Ftohtë”, tha Merkel, ndërsa shtoi: “Nuk ka asnjë justifikim për këtë shkelje flagrante të ligjit ndërkombëtar, unë e dënoj atë në termat më të ashpër të mundshëm. Të gjitha përpjekjet e Qeverisë Federale, së bashku me Bashkimin Evropian, SHBA-të dhe partnerët e Gjermanisë në grupin G7 të vendeve kryesore ekonomike, NATO-s dhe Kombeve të Bashkuara, duhet të angazhohen për t’i dhënë fund kësaj lufte agresioni të Rusisë dhe Presidentit Putin sa më shpejt, keni mbështetjen time të plotë.”