Emisioni “2 Botë” në Ora News ka vetëm disa javë që ka startuar, në moderimin e Rudina Dembacaj dhe Xhesi Muçaj, të cilat me 12 konkurentët e tyre të përjavshëm organizojnë lojra të ndryshme.
Mes konkurentëve ka patur edhe të ftuar, por njëra prej tyre nuk është mjaftuar me aq, pasi i ka zënë vendin si moderatore Xhesit.
Pietro Zaniboni, producenti i emisionit ka dhënë lajmin këtë mëngjes në “Ditë e re” duke bërë të ditur se kanë larguar Xhesin për ta zëvëndësuar me Xhensila Pere.
“Unë falenderoj Xhesika Muçaj, e falenderoj për profesionalizmin dhe buzëqeshjen. Ne kemi një linjë programi që na kushtëzon si autorë që të kemi një dinamizëm absolut. Ne kemi thënë, më saktë znj. Rudina se konkurentët nuk do të pësonin eleminime dhe që personat e vetëm që mund të ndryshoheshin ishin vetë prezantueset.
Jo për mungesë meritash, por sepse formati herë pas here parashikon ndryshime. Gjithçka që nuk i përshtatet linjës të projektit ne natyrisht gjatë rrugës mundohemi ta mbushim.
Do të kemi zonjushën Xhensila Pere, e cila ishte e ftuara jonë në puntatën e dytë.”, është shprehur Pietro