Policia e Dibrës ka vënë në pranga një 26 vjeçar, i cili dyshohet se ka mashtruar dhe ma futur në makinë një të mitur, me të cilën më pas ka kryer marrëdhënie seksuale.
“Specialistët për Hetimin e Krimeve të Komisariatit të Policisë Mat në bashkëpunim me strukturat Hetimore të DVP Dibër, bënë të mundur lokalizimin, kapjen dhe arrestimin e shtetasin Ergys Doçi, 26 vjeç, banues në fshatin Komsi, Burrel, pasi nëpërmjet mashtrimit ka marrë në automjetin e tij një shtetase të mitur dhe më pas dyshohet se ka kryer marrëdhënie seksuale me të”, njofton policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.
Ndërkaq, policia arrestoi për “Dhunë në familje” Denis Osmanin në Dibër dhe Jonuz Dedjen në Bulqizë. Gjithashtu, u arrestua edhe Urim Bulku për “Shkelja e rregullave të mbrojtjes në punë”.