Miliona njerëz në mbarë botën ishin ulur dje para ekraneve për të shijuar magjinë e finales së Kupës së Botës.
Mirëpo Papa Françesku, edhe pse argjentinas, nuk e pa kombëtaren e tij teksa ngriti trofeun e kampionit duke mundur me penallti Francën.
Dhe ka një arsye të fortë për këtë. Në një intervistë të dhënë në vitin 2015, Papa Françesku zbuloi se i kishte premtuar Shën Mërisë se nuk do të shihte kurrë më televizor, pasi Italia eleminoi Argjentinën nga Kupa e Botës në vitin 1990. “Nuk është për mua”, tha ai në një intervistë për gazetën Voz del Pueblo.
Megjithatë nuk përjashtohet mundësia që Papa të jetë mbajtur i informuar për rezultatin.
Siç zbuloi një anëtar i stafit të tij të sigurisë, në Kupën e Botës 2014 në Brazil, Papa nuk e pa humbjen e Argjentinës kundër Gjermanisë, por u mbajt i informuar për rezultatin.