Trajneri i përfaqësueses shqiptare, Edi Reja, prej disa javësh është i mbyllur në shtëpi për të evituar kontaktet me personat si rrjedhojë e koronavirus që godet sidomos moshat e thyera. Tekniku i Shqipërisë gjithsesi nuk ndal kontaktet me njerëzit, edhe pse pranoi se lajmet që ka marrë së fundmi prej tyre nuk janë aspak të mira.
Në një intervistë të dhënë për “Radio Goal”, ai ka folur për emergjencën ndërkombëtare dhe se si po ndjek situatën sidomos në vendet me të cilat është i lidhur shumë, si për shembull Napolin. “Sot në mëngjes me erdhi një mesazh nga Napoli, pamje të ndeshjes kur fituam 1-0 kundër Interit dhe ishte humbja e parë e zikaltërve. Në sfond kishte nëj këngë të Pino Danieles. Ndjeva shtërngim në zemër, fillova të qaja si një fëmijë. Aty kishte një Marek Hamshik shumë të ri”, tregoi Reja për mesazhin që i kishin dërguar për periudhën kur ai drejtonte napolitanët.
Pikërisht këtyre të fundit ai u është drejtuar me një apel të rëndësishëm në këtë periudhë krize të rëndë të shëndetësisë kudo në botë. “Situata në Bergamo është me të vërtetë e trishtë. Unë jam në kontakt me miq të mi dhe më tregojnë gjëra tronditëse. Nuk ka më as vend për të mbajtur të vdekurit. Nuk guxoj të mendoj se çfarë do të ndodhte nëse e njëjta situatë do të përsëritej në jug. U bëj një apel të gjithë napolitanëve dhe të gjithë të tjerëve: qëndroni në shtëpi. Në Jug nuk ka aq struktura të përshtatshme për të pritur të gjithë të sëmurët”, ishin fjalët e Edi Rejas.