Egnatia miqësore me ekipin e njohur në Seria A

Egnatia bën sërish bujë me miqësoret që organizon. Pas ndeshjes së vitit të shkuar ndaj Inter, këtë vit rrogozhinasit do të përballen me Napolin e Antonio Contes. Ky test miqësor është parashikuar të luhet më datë 28 korrik në orën 20:00, në kampin stërvitor të të kaltërve. Kujtojmë se më datë 25 korrik, Egnatia do të zhvillojë ndeshjen e parë të raundit të dytë në Conference League në transfertën islandeze ndaj vendasve të Vikingur, ndërsa ajo e kthimit është parashikuar të luhet më datë 1 gusht.