Vendimi i Berishës për të nisur një tur në të gjithë vendin, ka tronditur pozitat e Bashës brenda PD. Shumë prej bashkëpunëtorëve të tij më të ngushtë po i largohen. Një prej tyre është dhe Agron Shehaj, përplasje që nisi që në garën për të marrë drejtimin e PD pas zgjedhjeve të 25 prillit.
Ky i fundit është fotografuar nga tirananews.al duke pirë një kafe pune pranë stadiumit “Arena Kombëtare” me Oerd Bylykbashin, i cili sëfundmi ka dalë hapur kundër Bashës duke u rreshtuar si mbështetës i Berishës.
Bylykbashi ishte dje i pranishëm edhe në takimin që ish-kryeministri Berisha bëri me anëtarësinë e PD në Durrës. Si “hakmarrje”, Basha e zëvendësoi menjëherë Bylykbashin me Enkelejd Alibeaj në takimet me ndërkombëtarët.