As Tirana dhe as Durrësi nuk do të jenë destinacionet e para ku do akomodohen afganët që do të vijnë gjatë kësaj jave në Shqipëri.
Grupi i parë i afganëve që do të mbërrijnë në Shqipëri pritet të akomodohet në qytetin e Beratit.
Burime për tirananews bëjnë me dije se këto ditë po bëhen përgatitjet në hotelet e këtij qyteti për të garantuar kushte sa më komode për qytetarët afganë në Berat.
Pas Beratit grupi tjetër do të jetë në Tiranë dhe në Durrës
Kryeministri Rama konfirmoi se në Shqipëri do të vijnë mbi 1000 afganë brenda kësaj jave.
Por, autoritetet shqiptare ende nuk konfirmojnë një orar se kur do të ulet në Rinas avioni i parë me shtetasit afganë.