Një biznesmen grek është ekzekutuar me breshëri plumbash mëngjesin e sotëm në Greqi.
Mediet fqinje raportojnë se autorë ende të paidentifikuar kanë qëlluar për vdekje një pronar të një pike karburanti.
Viktimë ka mbetur një 38 vjeçar, i cili është qëlluar sapo ka mbërritur me automjetin e tij të blinduar BMW para pikës së tij të karburantit.
Në momentin kur ai ka zbritur nga makina e tij një makinë tjetër e bardhë, në të cilën udhëtonin katër persona, i është afruar dhe e kanë qëlluar me kallashnikov, duke e lënë të vdekur në vend.
Sipas medieve helene në të kaluarën persona të panjohur kishin sulmuar me granatë këtë pikë karburanti.