Atletico e Madridit eliminon Manchester United dhe kalon në çerekfinale të Ligës së Kampionëve. Skuadra e drejtuar nga Diego Simeone eliminoi sonte Manchester United në fazën e 1/8-ës së finales së Championsit.
Ndeshja e zhvilluar në “Old Trafford” përfundoi me fitoren minimale 0-1 të miqve.
Golin e vetëm dhe të fitores për skuadrën nga kryeqyteti spanjoll e shënoi Renan Lodi në minutën e 41-të.
“Djajtë e Kuq” u hodhën në sulm në pjesën e dytë, por nuk ia dolën që të shënonin.
Kësisoj, Atletico Madridi kalon në çerekfinale me rezultatin e përgjithshëm 2-1, pasi takimi i parë kishte përfunduar 1-1.