Është arritur marrëveshja mes drejtuesve të Tiranës dhe Emanuel Egbo, me këtë të fundit që i është besuar drejtimi i ekipit për të ardhmen.
Burime pranë “Panorama Sport”, bëjnë me dije, se ka pasur një takim mes drejtuesve të Tiranës dhe 46-vjeçarit, dhe është vendosur që në krye të ekipit të vazhdojë të jetë Egbo.
Diçka e tillë pritej, kjo edhe për shkak të rezultateve të fundit ku Egbo në tre ndeshje që e drejtoi ekipin, korri po kaq fitore. Së shpejti pritet të vijë edhe njoftimi nga vetë klubi bardheblu, për sa i përket marrëveshjes mes palëve.
Objektivi i Tiranës këtë sezon është fitimi i titullit kampion, dhe drejtuesit bardheblu shpresojnë se me Egbo në krye të ekipit do ia dalin të ariijnë objektivin e tyre.