Ermal Mamaqi siç e dimë, Ermali ka realizuar dy filma në një hark kohor shumë të shkurtër dhe të dy kanë rezultuar super të suksesshëm, teksa ka patur pjesë të kastit figura shumë të dashura të publikut dhe disa nga aktorët më të mirë shqiptarë. “Dy gisht mjalt” dhe “I love Tropoja” ishin padyshim ogur super i mirë i fillimit të një rrugë të re, siç është kinematografia, këtë herë si regjisor e producent.
Por, sikur t’ju themi se Ermali ka ndërmend të sjellë një film tjetër? Këtë ka lënë ai të kuptohet në “Shiko kush luan”, ku ka qenë i ftuar së fundmi, teksa puntata do transmetohet në ekran të shtunën, pra mbrëmjen e nesërme.
Burime ekskluzive bëjnë me dije për “iconstyle.al” se ai jo vetëm që s’e ka përjashtuar një mundësi të tillë, dhe këtë e dimë të gjithë, por madje ka gati edhe emrin e personazhin publik që do e ftonte të ishte protagoniste në film.
I pyetur për emrin e këtij personazhi publik Ermali ka ngrruar të flasë me emra konkrete, teksa po ashtu nuk dihet se sa i afërt është në planet e tij ky projekt. Për më shumë detaje na mbetet të shohim “Shiko kush luan” ditën e nesërme.