Këngëtari shqiptar me famë në Itali, Ermal Meta, ka publikuar këngën e tij më të re. “No Satisfaction” mban titullin kënga e tij e re, e cila në shqip do të thotë “pa kënaqësi”.
Teksti i saj flet për vështirësitë e botës moderne dhe mënyrën se si njerëzit janë të pakënaqur sot, përkundër kushteve. Muzika dhe teksti janë një prodhim i vet Ermal Metës, pasi i njëjti është edhe autor i shumë këngëve të tij.
Këngëtari shqiptar Ermali është shumë aktiv në tregun e muzikës italiane, si një ndër artistët më të pëlqyer atje. Këngëtari me prejardhje është nga Fieri i Shqipërisë, por është shpërngulur që i vogël në shtetin italian.