Megjithëse janë një prej çifteve më të dashur për publikun shqiptar, aktori Ermal Mamaqi dhe moderatorja Amarda Toska përpiqen ta mbajnë sa më të shenjtë jetën e tyre private dhe rrallë ndajnë me ndjekësit detaje të saj.
E dimë që ata janë prindër të dy vogëlushëve, Joelit dhe Sias, mirëpo të rralla janë herët kur në rrjetet e tyre sociale shohim postime që lidhen posaçërisht me familjen.
Ami dhe Ermali i janë përkushtuar punës, teksa jetën personale kanë vendosur ta mbajnë sa më larg syrit të media dhe jo shpesh mësojmë shumë për to.
Por ka edhe raste kur gëzimi nuk mbahet dot për vete dhe ndonjë moment i bukur edhe “të shpëton” në rrjete sociale, siç ka bërë Ami sot.
Dita e zymtë me shi e ka bërë Ermal Mamaqin romantik, aq sa ai është ulur në pianon e shtëpisë së tyre dhe ka nisur të luajë një pjesë romantike, të cilën Amarda e ka shijuar në maksimum.
Në videot e publikuara në InstaStory, ajo shfaqet me dorën e mbështetur mbi shpatullën e partnerit, teksa e dëgjon me ëndje të luajë në piano.