Eros Grezda është lojtari i ri i Partizanit

Eros Grezda pritet të rikthehet në elitën e futbollit shqiptar te skuadra e Partizanit. “Demat e Kuq”, ende nuk kanë njoftuar lajmin, Grezda ka mbërritur në kompleksin “Arena e Demave” dhe sulmuesi është vënë nën urdhrat e trajnerit të ri kroat, Zoran Zekiç teksa i është bashkuar ekipit në stërvitje. Në profilin e “Partizani Fan Club” është postuar fotoja e futbollistit, me tifozat e “demave” që e bëjnë fakt të kryer ardhjen e tij te kampionët e Superiores.