Cesc Fabregas vërtetoi se shpirtrat njerëzorë janë fort të trazuar gjatë karantinës së këtyre ditëve, për shkak të “Coronavirus”, teksa rikrijoi shkëlqyeshëm një skenë nga filmi i Eddie Murphy, “Coming to America”.
Spanjolli mbetet i ngujuar në banesën e tij në Monako, pasi infeksioni i rrezikshëm vazhdon të përhapet globalisht. Pas ditës së katër të izolimit, ish-lojtari i Barcelonës, Chelsea dhe Arsenali ka filluar të mërzitet.
Fabregas, i cili kohët e fundit tregoi një video të tij, duke luajtur (bërë shaka) me Willy Caballero, doli në ballkonin e shtëpisë dhe bërtiti me të madhe: “Mirëmëngjesi, fqinjët e mi!” Njëri prej fqinjëve iu përgjigjet me zë, sa për t’u kuptuar edhe në video: “Hej! “Ik q**u!” Me pamje nga porti mahnitës i Monakos, Fabregas reagon me të njëjtën monedhë: “Po! Po! Ik q**u edhe ti!” Krahas klipit, i cili imiton një skenë nga filmi kult i vitit 1988, ai postoi në rrjetet sociale: “Dita 4 e izolimit dhe njerëzit po bëhen vërtet të tensionuar këtu…”