Ndeshjet e Champions League u rikthyen dje. Në Grupin C, Bayern Munich luajti dhe fitoi me shifrat 0-2 ndaj Interit. Por fillimi i ndeshjes kishte një të ftuar të veçantë.
Siç duket edhe nga videoja e mëposhtme që është bërë virale në rrjetin social “Tik Tok”, njëri prej djemve që shoqëron futbollistët është një shqiptar.
I vogli duket se donte që ta tregonte origjinën e tij, ndaj në momentin që himni i Champions po luhej, ai pa nga kamera dhe bëri shqiponjën me duar.
Por ky gjest mund t’i kushtojë para të miturit ose prindërve të tij. Kjo pasi FIFA dhe UEFA kanë ndaluar bërjen e këtij simboli që konsiderohet si i papranueshëm. Madje tre lojtarët shqiptarë të Zvicrës që kanë bërë të njëjtin gjest u dënuan me 25 mijë franga.