Ferran Torres është zyrtarisht lojtar i ri i Paris Saint-Germain. Sulmuesi spanjoll u largua nga Barcelona, duke u transferuar te kampionët në fuqi të Europës.
Torres firmosi kontratë deri në vitin 2031 dhe do të mbajë fanellën me numrin 9. Sipas mediave, transferimi i 26-vjeçarit u realizua duke paguar 50 milionë euro, edhe pse i kishte mbetur edhe 1 vit kontratë.
Me afrimin e Ferran Torres, Luis Enrique shton një tjetër alternativë cilësore në repartin ofensiv, ndërsa Paris vijon të forcojë një skuadër të ndërtuar për të synuar trofetë e tjerë në Francë dhe turnetë ndërkombëtarë.
26-vjeçari gjatë karrierës së tij është aktivizuar edhe me Valencia dhe Manchester City, ndërsa muajin e kaluar u shpall kampion bote me Spanjën, duke shënuar edhe golin që vendosi finalen me Argjentinën.