Ministrja e Mbrojtjes, Olta Xhaçka uroi sot trupat e Forcave të Armatosura që shërbejnë në misione ndërkombëtare si në Afganistan, edhe në misione në detin Egje.
Ministrja Xhaçka shprehet se: “Teknologjia na dha mundësinë t’i urojmë drejtpërdrejt trupave tanë që shërbejnë në misionet ndërkombëtare, një vit sa më të mbarë, edhe pse ata që shërbejnë në Afganistan janë në vitin 1397”.
“Mirënjohje të thellë gjithë trupave shqiptare që shërbejnë në misionet ndërkombëtare dhe që natën e ndërrimit të viteve do ta kalojnë në shërbim, në bazat ku ata janë të dislokuar, ndërkohë që ekuipazhi i “Lissusit” do të festojë në detin Egje, me gatimet e shijshme të përgatitura në anije. Më besoni, i kam provuar vetë”, shkruan ministrja.
Po ashtu Xhaçka ju uron kthim shëndoshë e mirë ushtarakëve tanë që festat e ardhshme t’i festojnë pranë familjeve të tyre.