Gjashtë persona kanë mbetur të plagosur, dy prej të cilëve ndodhen në gjendje të rëndë për jetën, si pasojë e një aksidenti automobilistik. Mësohet se ngjarja e rëndë ka ndodhur në aksin Levan-Fier, rreth orës 14:00. Një automjet i llojit ‘Toyota’ është përplasur me një tjetër makinë të llojit ‘Volksvagen’, dhe për pasojë janë dëmtuar 2 drejtuesit dhe 4 pasagjerë.
Të plagosurit janë me inicialet S. G., 25 vjeç, E. M. 39 vjeç, F. Y. 33 vjeç, A. Y., 45 vjeçe, K. Y., 20 vjeç dhe P. Y., 53 vjeç, banues në Drizar, të cilët ndodhen në spital nën kujdesin e mjekëve. Dy drejtuesit e mjeteve janë në gjendje të rëndë dhe janë dërguar në spitalin e Traumës në Tiranë.
Shkak për aksidentin mendohet të jetë bërë një parakalim i gabuar. Ky aks rrugor është përgjakur shumë herë nga aksidente tragjike dhe madje me humbje jetësh. Rasti më i rëndë është ai ku u shua familja Gushi, dy prindërit dhe dy fëmijët.