Drejtori Operacional , është shkarkuar pas një përplasjeje të fortë me presidentin e organizatës, Gianni Infantino, lidhur me një plan për përfshirjen e investitorëve privatë në të drejtat e Kupës së Botës.
Francezi Lamour kritikoi publikisht planin e Infantinos për të shitur 20% të aksioneve të Kupës së Botës te investitorët privatë, madje kishte shprehur shqetësime të forta për mënyrën se si po trajtohej çështja, duke pretenduar se ishte “mashtruar” në lidhje me këtë plan.
Shkarkimi i Lamour u komunikua edhe te anëtarët e Këshillit të FIFA-s. Atyre iu bë me dije se vendimi ishte marrë “pas një shqyrtimi të kujdesshëm dhe me shumë respekt për Kevinin”.
Largimi i tij vjen në një moment delikat për drejtimin e FIFA-s, ndërsa diskutimet për përfshirjen e kapitalit privat në biznesin e Kupës së Botës kanë hapur debat brenda strukturave të organizatës.
Përplasja mes Lamour dhe Infantinos tashmë pritet të shtojë pikëpyetjet mbi mënyrën se si FIFA po menaxhon të ardhurat dhe asetet e saj më të rëndësishme, veçanërisht ato që lidhen me turneun më prestigjioz të futbollit botëror.
Lamour ishte bashkuar me FIFA-n që në nëntor të vitit 2004 dhe, në hierarkinë drejtuese të organizatës, ishte dy nivele poshtë presidentit Gianni Infantino. Kundërshtimi më i ashpër erdhi nga UEFA, e cila u shfaq si konfederata më kritike ndaj nismës.
Sipas raportimeve, UEFA kishte paralajmëruar se kombëtaret europiane mund të bojkotonin Kupën e Botës 2030 nëse projekti do të ecte përpara.