Fifi dhe Flori Mumajesi kanë një nga lidhjet më të veçanta në shoëbizin shqiptar. Dy artistët kanë krijuar një miqësi shumë të fortë që nga koha kur Fifi është bërë pjesë e industrisë muzikore dhe shoqëria e tyre është forcuar akoma më shumë me kalimin e viteve. Madje, dy këngëtarët i kanë bërë shpesh fansat e tyre të dyshojnë se ka diçka më shumë se miqësi për shkak të afrimitetit të tepërt që kanë shfaqur me njëri-tjetrin.
Megjithatë këto fjalë ata nuk i kanë shqetësuar dhe penguar që të vazhdojnë të shfaqin publikisht dashurinë, admirimin dhe respektin për njëri-tjetrin. Ditën e sotme, Fifi ka ndarë në Instagram një foto me Florin, ku të dy shihen shumë pranë. Ajo i ka dedikuar fjalët më të bukura mikut të saj, duke e falënderuar për gjithçka që i ka dhuruar deri më sot.