Zjarret ia kanë lënë vendin reshjeve në Veri të Shqipërisë. Pasditen e sotme në zonën pranë Tunelit të Kalimashit ka pasur reshje të shumta shiu e breshëri.
Siç shihet nga pamjet e siguruara nga “BalkanWeb”, breshëri ka shkaktuar kaos në lëvizjen e makinave në Rrugën e Kombit, të cilat janë ndalur plotësisht, deri në kalimin e stuhisë.
Po kështu toka është zbardhur nga kokrrat e breshërit që kanë qenë me madhësi të konsiderueshme.
Nga Emergjencat Civile bëjnë me dije se janë fikur të gjitha vatrat e zjarrit. Në malin e Rrunës, i cili prej disa ditësh ishte nën flakë, kanë nisur reshjet e shiut, të cilat mund të çojnë në shuarjen e flakëve. Edhe në qytetin e Kukësit, kanë nisur reshjet e shiut.