Fjolla Morina po jeton një histori të bukur dashurie me biznesmenin Fisnik Syla. Dyshja e mbajtën lidhjen e tyre të fshehtë për një kohë të gjatë, derisa gjithçka u bë publike me arrestimin e Fjollës disa muaj më parë. Pavarësisht se kanë ende disa çështje gjyqësore për të zgjidhur, duket se Fjolla me Fisnikun po jetojnë ditët më të bukura bashkë.
Së fundmi Fisniku ka ndarë në rrjete sociale një video shumë të veçantë përkrah këngëtares dhe i ka bërë një dedikim mjaft romantik.
“Historitë e vërteta të dashurisë nuk kanë kurrë mbarim”, ka shkruar ai në videon intime me këngëtaren.
Para disa ditësh u tha se Fjolla dhe Fisniku ishin martuar, për shkak se kishin ndërruar statusin e tyre në rrjete sociale. Mirëpo “Prive” mësoi se ata nuk janë martuar dhe as nuk kanë organizuar në fshehtësi ndonjë dasmë. ta e kanë ndryshuar statusin në rrjete sociale, sepse ndihen si të martuar. Fjolla dhe Fisniku kanë vendosur që ta ndërmarrin këtë hap të madh, vetëm pasi të qartësojnë çështjet ligjore që janë hapur nga organet e drejtësisë, pasi këngëtarja u kap me një armë zjarri në Morinë disa muaj më parë.