“Bedelë, pa fe, pa atdhe, gjela deti, kastraveca”, pë këtë fjalë të përdorura nga kryeministri Edi Rama ndaj deputetëve të PD-së, sipas Jorida Tabaku u përdorën për të mbrojtur Rama një aferë.
“Sa herë përdoret ky fjalor, dihet se po mbrohet një aferë. Sa herë rritet krimi, droga. Ju kujtohet droga me avionë? Kjo gjuhë tregon nivelin e politikë-bërjes se kësaj qeverie dhe këtij kryeministri. Tregon edhe këtë mënyrën e vjetër të politikës që ka kapur për fyti që ka kapur parlamentin, politikën. Llumin ku është politika shqiptare. Nuk e kam lexuar dokumentin e portit të Durrësit, se po luftojmë për transparencë, ky sulm nuk mund të justifikohet me asgjë. E njëjta gjuhë u përdor edhe për inceneratorin e Elbasanit, një ish-deputet i PS është rikthyer në qeli sot. Kjo gjuhë shpjegohet vetëm pas asaj që po ndodh pas dyerve të SPAK-ut”.
Debatet e ashpra në Kuvend mes opozitës dhe mazhorancës filluan pas miratimit me 62 vota pro dhe 19 kundër të procedurës së përshpejtuar për projektligjin e Portit të Durrësit. PD kërkoi transparencë, kryeministri Rama theksoi se ky është një investim që do ta kthejë Durrësin në një nga pikat më të rëndësishme në Mesdhe