Flamurtari ka zyrtarizuar mbrëmjen e sotme trajnerin e ri. Emiliano Çela do të jetë kreu i ri i pankinës vlonjate. Ish-trajneri i Kastriotit ka qenë më parë futbollist i kuqezinjve, ndërsa tashmë do t’i udhëheqë nga stoli me synimin për t’i rikthyer në “Abissnet Superiore”.
Lajmin e ka bërë të ditur vetë klubi Flamurtari përmes faqes zyrtare në “Facebook”.
“Emiliano Çela është zyrtarisht trajner i Flamurtari Football Club. Pas karrierës si futbollist i Flamurtari Football Club tashmë rikthehet si trajner. Mirë se vjen në familjen e madhe Kuqezi”, ka njoftuar klubi Flamurtari.