Në kryeqytet kishte 42 pallate me çarje fuge, që do të analizohen nga inxhinierët, nëse ka nevojë për ndërhyrje. Kështu bëri të ditur kryetari i bashkisë së Tiranës, Erion Veliaj në mbledhjen me kryeministrin Rama.
“Kemi pas 42 pallate që kanë pasur këtë çështjen e hapjes së fugës dhe kemi bërë një raportim të detajuar, në mënyrë që inxhinierët më pas të bëjnë një vlerësim nëse ka nevojë për ndërhyrje strukturore, ose jo. Në fshat paraqitet situata pak më e vështirë, kryesisht në Pezë dhe Ndroq. Kemi rreth 70 shtëpi me dëmtime serioze, kryesisht shtëpi të vjetra të ndërtuara me gurë, të cilat duhet t’i konceptojmë nga e para dhe t’i bëjmë nga e para”, tha Veliaj.
