Si zot shtëpie, kryeministri Edi Rama po pret liderët e rajonit dhe të BE-së, në kuadër të mbajtjes së Samitit të Procesit të Berlinit në Tiranë, që mbahet në një vend të Ballkanit dhe jo pjesë e BE-së.
Kryeministrja e Serbisë, Ana Brnabiç u prit nga Rama, por në fytyrë mbajti një qëndrim të prerë. Pak minuta më pas, erdhi edhe kryeministri i Kosovës, Albin Kurti, i cili u shfaq më i qetë dhe i komunikueshëm me Edi Ramën.
Kryeministri Edi Rama i ka zgjatur dorën Albin Kurtit në tapetin e kuq para Kryeministrisë, ndërsa të dy kanë pozuar për fotografët para se Kurti të hynte në godinë. Gjatë ndeshjes së kombëtares shqiptare të futbollit, Rama dhe Kurti ndoqën sfidën në stadiumin “Air Albania”, por pa u takuar me njëri-tjetrin.
