Kanë përfunduar punimet për rehabilitimin e qendrës së Njësisë Administrative Lis në Bashkinë e Matit.
Kryebashkiaku Agron Malaj premtoi dy vite më parë se ishte i vendosur të investonte për rehabilitimin e qendrave administrative, me ndriçim, ujë të pijshëm, stola, lulishte, sheshe argëtimi, trotuare, pemë dekorative, etj.
Pas rehabilitimit të sheshit “Kastrioti” dhe lulishtes “Geraldinë” në Burrel, bashkia investoi për qendrën e Njësisë Administrative Komsi.
Sakaq lajmin për rehabilitimin e qendrës në NJ.A. Lis e bëri të ditur kryetari i Bashkisë Agron Malaj:
“Përfundon puna për rehabilitimin e qendrës së NjA Lis. Tanimë banorët kanë ambiente të përshtatshme dhe më shumë hapësira çlodhëse për banorët e kësaj zone. Vitin tjetër nisim rehabilitimin e NjA Baz e Macukull”, shkruan Malaj.
