Është zbuluar skeda e vdekjes së 31-vjeçarit Ilvi Meta brenda komisariatit të Policisë në Kavajë. Sipas saj, shkaku i humbjes së jetës së të riut është vetëvarje në litar dhe asfiksi, ndërsa ora e vdekjes së tij sipas dokumentit zyrtar është 18:50 e mbrëmjes së kaluar. Gjithashtu aty shënohen vendi i vdekjes, dokumentuar si vetëvrasje si dhe firma e mjekut.
Policia dhe Agjencia e Mbikëqyrjes Policore deklaruan se i riu ishte vetëvarur me lidhësen e kapuçit, ndërsa familjarët hedhin dyshime për dhunë nga policia.
Ilvi Meta ishte shoqëruar nga policia pasi gjykata kishte caktuar masën e arrestit me burg për të, për një vjedhje në një banesë.
