Dita e sotme në Tiranë i përket e gjitha finales. Në kryeqytet është ndaluar qarkullimi i makinave si pasojë e dyndjes së mijërave tifozëve italianë në holandezë në kryeqytetin shqiptar, ku pritet që sot në mbrëmje, në orën 21:00 të luhet finalja e “Conference League” mes Romës dhe Feneyoord.
Ndërkaq, tifozët e të dyja ekpieve që kanë ardhur në Tiranë për të mbështetur skuadrat e tyre i kanë shpenzuar këto ditë edhe për të eksploruar Tiranën dhe plazhet shqiptare.
Në këto foto të publikuara nga Federata Shqiptare e Futbollit, tifozët shihen në lokacione të ndryshme të qytetit. Në zonën e Liqenit Artificial, shihet një njeri i veshur si “ujk”, simbol i Romës ky. Edhe pse kapacitetet e “Air Albania” është mbi 20 mijë tifozë, në Tiranë kanë mbërritur disa mijëra më shumë.
Ata do të vendosen në hapësira të ndryshme, për të ndjekur ekipin e zemrës. Tifozët holandezë, do të kenë në dispozicion zonën te pedonalja. Tifozët shqiptarë do të vendosen në Sheshin Skënderbej, ndërsa romanët në Amfiteatrin e Liqenit Artificial.
