Fqinjët raportuan për shpërthim bombole, por 50-vjeçarit i mori jetën granata në oborr

Një 50-vjeçar humbi jetën mëngjesin e sotëm në fshatin Selenicë të Vlorës, ku u dyshua se në banesën e tij kishte plasur një bombol gazi. Nga veprimet paraprake hetimore, rezultoi se shpërthimi ka ndodhur në territorin e jashtëm të banesës së 50-vjeçarit D.G. Por nuk ka qenë bombola e gazit e cila ka shpërthyer, por një granatë e cila ndodhej në oborrin ngjitur me banesën e 50-vjeçarit. Nga shpërthimi ka marre plage në gjithë trupin dhe gjatë transportit në spital, ai ka humbur jetën.