Artisti i madh Frederik Ndoci ka ardhur së fundmi në një intervistë ndryshe nga ato të dhëna më herët. Duke kënduar dhe duke rrëfyer këngëtari ka zbuluar disa episode nga jeta e tij që shumë prej fansave nuk ishin në dijeni.
Teksa këndoi këngën “Sytë e tu”, Ndoci rrëfeu se modelja të cilën e kishte marrë në klipin e kësaj këngë ka qenë pikërisht bashkëshortja e Fatos Nanos, Xhoana Nano.
Ai ka treguar momentin kur e ka parë Xhoanën për të cilën tha se ka qenë e jashtëzakonshme dhe shumë e bukur.
“Në 1989 e kam bërë këtë këngën. Kënga e parë ka qenë me videoklip dhe kam marrë si modele bukuroshen e asaj kohe Xhoana Nanon. Ka qenë një fëmijë i jashtëzakonshme. Ajo ka qenë yll. Atëhere ka qenë e skalitur. Më çuan në disa shkolla të mesme dhe kur e pamë kam thënë: “A është njeri ky?”, tha ai.