Shkodra është një nga qytetet ku varfëria është ulur këmbëkryq. Por pavarësisht saj, kjo nuk i pengon zyrtarët e lartë që të urdhërojnë organizimin tenderave për rregullime zyrash.
Tirananews.al ka siguruar dy nga tenderat e organizuar sëfundmi nga Bashkia Shkodër e drejtuar nga Voltana Ademi, ku bie në sy kërkesa për luks, sikurse janë grilat me mekanizëm automatik dhe veshja e dyerve me lëkurë, raporton tirananews.al.
“Karriget e kanë tapicerinë e dëmtuar. Duhet të bëhet çmontimi i plotë i tapicerisë së karrigeve dhe ribërja e plotë e tapicerisë së re duke ruajtur formën dhe pamjen e atyre ekzistuese. Dyert ndodhen në zyrën e godinës së Bashkisë. Dyert e brendshme duhet të vishen me tapiceri në pjesën e brendshme të tyre, në mënyrë të tillë që të krijojë një izolim akustik me ambientin jashtë zyrës. Shërbimi duhet të kryhet brenda 5 ditëve”, thuhet në kriteret e vendosura nga Bashkia Shkodër për operatorin që do të kryejë shërbimin.
E njëjta gjë edhe për grilat dhe perdet. “Grilat duhet të jenë dubel roller(zebra). Duhet të jenë me shinë dhe motor manual. Perdet duhet të jenë me copë linoje me mekanizëm për ulje- ngritje, të shoqëruara me aksesorët përkatës të gatshme për montim”. / tirananews.al
