Në Romë, kryefjala këtë periudhë ka qenë e ardhmja e Jose Mourinho-s, i shumë kërkuar nga përfaqësuesja portugeze.
Pavarësisht zërave të shumtë, për të qetësuar tifozët verdhekuq ka menduar një portugez, drejtori sportiv i klubit, Tiago Pinto:
Unë jam portugez, sa herë që kombëtarja ndryshon trajner flitet gjithnjë për Mourinho-n, kështu është edhe këtë herë.
Ne e dinim që këto zëra do të vinin, nuk është hera e para, por ne jemi të qetë, do të vijojmë të ecim përpara së bashku.
Merkato? Dy blerjet tona të mëdha janë rikthimi i Dybala dhe Wijnaldum. Zaniolo? Nuk e kemi me nxitim. Nuk besoj se do të kemi probleme. Objektivi? Sigurisht që duhet të përmirësohemi, objektivi është të kualifikohemi për në Champions League”, u shpreh ndër të tjera drejtori sportiv i Romës.