Këtë fundjavë mezi e kanë pritur shumë njerëz pasi lejohet dhe lëvizja mes qyteteve dhe është fundjava e parë që nuk ka më ndarje zonash të kuqe apo të gjelbra. Por ja që moti do ju prish planet këtë fundjave.
Sipas parashikimit të motit, gjate fundjaves moti do të jetë i paqëndrueshëm. Madje, jo vetem reshjet do te jene te pranishme, por nuk do te mungoje as bresheri dhe rrufete.
Parashikimi sipas SHMU
Moti për vendin tonë sa i përket fundjavës do të jetë i paqëndrueshëm. Dita e Shtunë do të karakterizohet nga moti i vranët shoqëruar me reshje shiu të herëpashershme me intensitet të ulët deri mesatar.
Reshjet do të jenë në formën e shtrëngatave dhe stuhive shoqëruar me shkarkesa elektrike. Lokalisht breshër.
Po kështu edhe për ditën e Diel moti pritet me vranësira mesatare deri të dendura por ndryshe nga dita e Shtunë reshjet do të jenë të herëpashershme por me intensitet të ulët.
Përgjatë relieveve malore lokalisht reshjet në formë shtrëngatash dhe stuhi afatshkurtër.
Ju urojmë një fundjavë të mbarë!