Futbolli gjerman është në zi pas ndarjes nga jeta të trajnerit legjendar Christoph Daum, i cili humbi betejën me kancerin e mushkërisë në moshën 70-vjeçare.
Ai është shpallur kampion Gjermanie me Stuttgartin në vitin 1992 dhe tre herë kampion i Turqisë, një herë me Besiktasin në 1995-ën dhe dy herë me Fenerbahcen në vitet 2004 dhe 2005.
Daum gjithashtu ka drejtuar dhe ekipe si Koln, Bayer Leverkusen, Austria Wien, Club Brugge dhe kombëtaren e Rumanisë.
Në vitin 2022 ai u diagnostikua me kancerin e mushkërisë, kur nisi një betejë të cilën nuk arriti dot ta fitonte.