Legjenda e Gjermanisë, Andreas Brehme, shuhet në moshën 63-vjeçare. Ish-ylli i Bayern Munchen, Interit dhe kombëtares së Gjermanisë, ka ndërruar jetë në orët e para të së hënës pas një arresti kardiak.
Ai ka luajtur si një mbrojtës i majtë, i cili i ishte i aftë të luante në të gjithë linjën, ndërsa spikaste për aftësitë e tij krosuese, goditje e lira dhe penalltitë.
Pas tërheqjes nga futbolli aktiv, ai nisi karrierën si trajner dhe klubi i parë që do të drejtonte ishte pikërisht ai që nisi karrierën, FC Kaiserslautern. Aty do të qëndronte për dy vite, ku më pas u shkarkua pasi ekipi rrezikoi rrëzimin nga kategoria.
Më pas ai mori drejtimin e Unterhaching, kur do të lirohej nga detyra në vitin 2005, ndërsa pas kësaj eksperience do të ishte asistent trajner te Stuttgart, ku u shkarkua pas disa muajsh në klub.