24-vjeçari Kylian Mbappe, numëron në garazhin e tij dhjetëra makina super të shtrenjta, mirëpo mund të tingëllojë e çuditshme, por nuk ka patentë. Ai ka një shofer personal dhe në një intervistë për mediat ka rrëfyer arsyen se përse nuk e ka marrë patentën.
“Po, e di saktësisht se çfarë do të thuash. Ndoshta është një defekt për shkak të suksesit tim të hershëm. Isha plotësisht i fokusuar te futbolli dhe as që kam menduar të marr patentën e shoferit. Ai dokument është sinonim i një lloj autonomie, njeriu ndihet i plotësuar kur drejton një makinë të bukur dhe të shtrenjtë, por unë kam një shofer personal, ndaj nuk e kam parë kurrë patentën e shoferit si prioritet në jetë”, tha Mbappe.
