Gazetari Elton Qyno u shpreh se Elbasani është ndër qarqet më të vështira sa i përket menaxhimit të krimit.
Ai tha se është segmenti nga zona e Rrogozhinës deri te rrethrotullimi i Luleve, që zihen vetëm me breshëri dhe me viktima, ku sipas tij gjurulldinë e bëjnë vetëm 2-3 grupe.
“Elbasani është ndër qarqet më të vështira sa i përket menaxhimit të krimit. Është numri 1 në rang republike sa i takon krimit, i lidhur me policinë dhe politikën. Është segmenti nga zona e Rrogozhinës deri te rrethrrotullimi i Luleve, që zihen vetëm me breshëri dhe me viktima.
Këtë gjurulldi e bëjnë vetëm 2-3 grupe, që janë Nuredin Dumani që është shpallur në kërkim nga policia e Elbasanit. Është Talo Çelo që është në kërkim, gjoja sikur nuk e dinë ku është, kur ai në fakt gjeti kolegun tonë, dha intervistë dhe pastaj iku në arrati. Është edhe grupi i Dubait, që ka ushtarë dhe koordinatorë në Shqipëri”, tha ai për Ora News.