Situata monopolistike e krijuar në tregun celular ka bërë që qytetarët të jenë të pambrojtur duke paguar fatura të kripura.
Gazetarja e politikës Esiona Konomi ka denoncuar atë që ajo e cilëson vjedhje nga Vodafone Albania. Ajo shprehet se kjo kompani në një kohë shumë të shkurtër, pa përdorur internetin ta vjedh haptazi atë. Sipas saj, ndonëse nuk e kishte prekur celularin, brenda natës janë harxhuar 8 giga internet.
Konomi nuk është e vetmja që akuzon vodafone për vjedhje. Edhe shumë qytetarë të tjerë kanë denoncuar këtë kompani për vjedhje. Ndërkaq, Komisioni i Konkurrencës, në mbledhjen e datës 28.12.2022, mori në shqyrtim raportin e hetimit të thelluar ndaj ndërmarrjes Vodafone Albania SHA në tregun e shërbimeve celulare duke e dënuar atë për vendosjen, në mënyrë të drejtpërdrejtë ose të tërthortë, të çmimeve të padrejta të blerjes ose shitjes apo e kushteve të tjera të padrejta të tregtimit.
Lexo edhe: Gazetari i News 24 denoncon abuzimet e kompanisë Vodafone
Lexo edhe: Komisioni i Konkurrencës: Vodafone Albania abuzon me pozitën dominuese në tregun celular