GJERMANIA- Një 23-vjeçar shqiptar është arrestuar në Gjermani. Mësohet se 23-vjeçari, një tregtar i dyshuar droge u arrestua nga oficerët e ET PRIOS pranë Stacionit Qendror të Düsseldorf të premten.
Sipas mediave të huaja, shqiptari është sjellë në mënyrë të dyshimtë gjatë një kontrolli. Ai po përpiqej të fshihte diçka në xhepin e xhaketës. Bëhet me dije se gjatë kontrollit, policia gjeti në xhepin e pantallonave 16 doza kokaine dhe disa kartëmonedha në prerje tipike si shpërndarës.