Nënkryetari i PD, Agron Gjekmarkaj komenton lënien në listat e hapura të deputetëve Dhurata Çupi e Dashnor Sula. Madje, Sula u largua nga lista e kandidatëve të PD, në shenjë proteste pse emri i tij nuk ishte tek vendet e sigurta.
“Çupi i ka të gjitha mundësitë të jetë në Parlamentin e Shqipërisë”, duke thënë se ajo do votohet nga qytetarët. “Është një juriste shumë e zonja, me integritet të lartë publik dhe komunikativ dhe një politikane e rafinuar e PD”, tha Gjekmarkaj.
Sa i takon largimit të Sulës nga lista e hapur e PD, shtoi se besonte se ai do kthehej te demokratët pas veprimeve emocionale ditën kur u publikuan listat e kandidatëve.