Kandidati socialist për Bashkinë e Kukësit, Safet Gjici, duket se ka nisur fushatën për zgjedhjet e 30 qershorit 2019. Në një dalje publike ai bëri me dije se në këtë rreth kanë mbërritur 10 mjekë të fushave të ndryshme.
Postimi i Gjicit:
10
mjekë do i bashkohen skuadrës së mjekëve të spitalit rajonal të Kukësit, me
qëllim që shërbimi ndaj banorëve të marrë një tjetër dimension.
Këtë të enjte, ata i takuam bashkë me Prefektin e Qarkut të Kukësit, Zenel
Kuçana ku u dhamë mbështetje, ndërsa kërkuam prej tyre shërbim cilësor dhe të
shpejtë për të gjithë pacientët që i drejtohen këtij spitali.
10 mjekët, do të shërbejnë në disa specialitete, ku prej kohësh në spitalin e
Kukësit mungonin.
Konkretisht, mjekët e rinj, që për herë të parë do të punojnë në Kukës, janë të
specializuar si: kirurg, anestezist, mjekë urgjence, neurolog, alergolog etj.