Një rrjet grabitësish i përbërë prej katër të rinjsh të cilët grabitën këmbësorët në Heraklion të Kretës është shkatërruar nga policia greke. Bruime bëjnë me dije se bëhet fjalë për një 22-vjeçar rumun, një grek 28-vjeçar, një shqiptar 23-vjeçar si dhe një djalë 16-vjeçar të cilët kanë kryer tre grabitje me armë brenda nëntë ditëve.
Ngjarjet kanë ndodhur nga data 21 deri më 29 mars, ku grupi prej katër të rinjsh kishte sulmuar me thikë studentët dhe këmbësorët e tjerë në Heraklion. Nga këto grabitje, ata kishin marrë celularë, ora dhe 358 euro para të gatshme.
Megjithatë, pas kryerjes së një hetimi të plotë, policia greke ka gjetur gjurmët e katër personave. Ndërkaq, përveç 4 të rinjve është arrestuar edhe nëna e 16-vjeçarit e cila akuzohet për neglizhencë ndaj një të mituri. Tashmë pritet që të pestë pritet të dalin para prokurorit për tu njohur me akuzat.