Për dorëzimet e mandateve nga deputët e PD-së, Grida Duma dhe Alfred Rushaj, ka dhënë qëndrimin e tij edhe kreu i Partisë së Lirisë, Ilir Meta. Për të Parlamenti i dalë nga zgjedhjet e 25 prillit 2021, është total i deformuar.
“Çdo akt individual është i respektuar dhe nuk më takon mua të komentoj arsyet e dorëheqjeve. Mund t’ju them me bindje të plotë se Parlamenti i 25 prillit është totalisht i deformuar, është shumë larg të qënit një Parlament funksional, shumë larg të qënit një Parlament që mbron institucionet e pavarura”, tha Meta.
Për të vëmendja është te 12 nëntori. “Nëse Kuvendi do të funksiononte, protesta nuk do të ishte e nevojshme. Qëndrimi ynë është pjesëmarrje sa më aktive në Parlament, por e dimë që fuqia e opozitës nuk mund të jetë në Parlament”.